આમોદ થી પસાર થતા, રાજ્ય ધોરી માર્ગ  64 ઉપર, મોટા ભાગે મીઠું, મેટલ અને, રેતી ભરેલી ઓવર લોડ ગાડીઓ પસાર થાય છે. જેને પગલે, અનેક અકસ્માતો ભૂતકાળ માં થયા હતા. અને, અનેક લોકો તેનો ભોગ બન્યા છે.ઓવર લોડ વાહનો ઉપર, તંત્ર કોઈ પગલાં લેશે કે પછી, કોઈ મોટી જાનહાની, થવાની રાહ જોશે ??? જેવા સવાલો પ્રજામાંથી ઉઠવા પામ્યા છે. રોડ સેફટી ને લઈ, રાજ્ય સરકાર, લોકોમાં અને, ખાસ કરીને વાહન ચાલકોમાં, જાગૃતિ આવે, તેવા સતત પ્રયાસો કરી રહી છે. પરંતુ, તંત્ર ની સજાગતા વચ્ચે પણ, આરટીઓ ના નિયમો ને, નેવે મૂકી, ટ્રકો અને ડમ્પર ના વાહન ચાલકો, ઓવર લોડ વાહનો, બિન્દાસ હંકારી ને જતા હોય છે. મીઠાની ગાડીઓ પર, તાડપત્રી ઢાંકયા વિના જતા, રસ્તા ઉપર મીઠા નું, વેરણ કરતી ચાલે છે.  જેને લઈ ને પણ, અકસ્માતો થવા ની ભીતિ રહેલી છે. તો, ઓવર લોડ વાહનો ને પગલે, ભૂતકાળ માં અનેક, નાના મોટા અકસ્માતો થયા હતા. જેમાં, કેટલાયે લોકોએ, જીવ ગુમાવવાનો વારો આવ્યો હતો. અત્રે ઉલ્લેખનીય છે કે, થોડા દિવસ અગાઉ, આમોદ મામલતદારે, બે ત્રણ ગાડીઓ સામે કાર્યવાહી કરતા, વાહન ચાલકોમાં, રીતસર નો ફફડાટ ફેલાઈ જવા પામ્યો હતો. મામલતદાર સહિત નું, લાગતુ વળગતુ તંત્ર, બેફામ બની, ઓવર લોડ ગાડીઓ લઈ, પસાર થતા ચાલકો સામે, કાર્યવાહી કરશે કે કેમ? કે, કોઈ મોટી જાનહાની થવાની રાહ જોશે? જેવા અનેક સવાલો લોકોમાં ઉઠવા પામ્યા છે. હવે જોવુ રહ્યુ કે, તંત્ર કેવી કાર્યવાહી કરે છે, એ તો સમયજ બતાવશે,.હાલ તો, કાયદાનો કોઈપણ ડર રાખ્યા વિના, ઓવર લોડ વાહનો, તંત્ર ને, ચેલેન્જ કરતા પસાર થઈ રહ્યા છે.