આમોદની, સરકારી પડતર જમીનમાં, એજન્સીએ બાયો માઈનીંગ પધ્ધતિથી, ઘન કચરો દૂર કરવાને બદલે, જમીનમા દફનાવતા, ચકચાર મચી જવા પામ્યો હતો. આ બાબતે, રજૂઆતો આવતા, નગરપાલિકા પ્રમુખ, જલ્પાબેન પટેલ અને, ચીફ ઓફિસર પંકજ નાયકે, ગન કચરા વિશેની, જે પણ કોઈની પાસે માહિતી હોય, તે દિન દસમાં, નગરપાલિકાને જણાવે. તો, બીજા નક્કર પુરાવા થકી, જે તે સમયના કોન્ટ્રાક્ટર અને, લાગતા વળગતા અધિકારીઓ ઉપર પણ, ખાતાકીય પગલાં લેવાય, તેવી જોગવાઈ કરવામાં આવશે, તેમ જણાવ્યું હતું.  આમોદ નગરપાલિકા પ્રમુખ, ચીફ ઓફિસર દ્વારા, દફન કરેલ કચરા ની આજુબાજુમાં, જુદી જુદી જગ્યાઓ પર, ઊંડા ઊંડા ખાડા ખોદી ને, સદર ચેકિંગ પણ હાથ ધર્યું હતું. હજુ પણ કેટલીક જગ્યા પર, કચરો દફન કર્યાની માહિતી, સંભળાઈ રહી છે. જેની લોકો પાસે, માહિતી હોય તો, આમોદ નગરપાલિકા ચીફ ઓફિસર તેમજ, પ્રમુખ ને ધ્યાનમાં લાવે. જ્યારે, આ બાબતે, આમોદ નગરપાલિકાના, કેટલાક પદાધિકારીઓએ પણ, છ થી સાત લાખ રૂપિયા, કોન્ટ્રાક્ટર પાસેથી લઈ લીધા હોય, તેમ લોક મુખે ચર્ચાઈ રહ્યું છે. આ બાબતે, આમોદ પાલિકાનાં, અપક્ષ નગરસેવકોએ, પ્રાદેશિક નિયામકને પણ, લેખીત ફરિયાદ કરતા, પાલીકા તંત્ર, કામે લાગ્યું હતું..અને, જમીનમા દફનાવેલા ઘન કચરાને, બહાર કાઢી, તપાસ હાથ ધરી હતી. અમદાવાદની, એજન્સીએ, બાયો માઇનીંગ પધ્ધતિથી, ઘન કચરાનો, નિકાલ કરવા માટે, અંદાજીત 30 લાખનુ ટેન્ડર ભર્યુ હતું. જે કામ તેણે, એક વર્ષમાં પૂર્ણ કરવાનું હતું..પરંતુ, એજન્સીઓ માત્ર 10 ટકા જ કામગીરી કરી, રોડની બાજુમાં આવેલી, સરકારી પડતર જમીનમા, ઘન કચરાને , રાતના અંધકારમાં, નિકાલ કર્યા વગર દાટી દેવામાં આવ્યો હતો. જયારે, આમોદ નગરપાલિકા ચીફ ઓફિસર અને, પ્રમુખે, અમદાવાદની એજન્સી સામે  કાર્યવાહી કરવા માટે, નક્કર પુરાવા મેળવી, વધુ કામગીરી હાથ ધરી છે.