કરજણ તાલુકાના ખાધાં ગામે, ગામની જૂની ગટર લાઇન ચોકઅપ થતા, ગામમાં ગંદકી નું સામ્રાજ્ય ફેલાયું છે. છેલ્લા 3 માસ થી, ગામના લોકો, ગંદા પાણી માંથી જવા મજબુર બની રહ્યા છે. છેલ્લા અઢી વર્ષથી, ગામ પંચાયત નો વહીવટ, વહીવટ દારથી ચાલી રહ્યો છે. અને, પંચાયત માં, ભંડોળ નો પણ અભાવ હોય, જેને લઈ, ગામના પ્રવેશ રોડ અને, ગામના ફળિયે ફળિયે, ગટરો ઉભરાઈ રહી છે.   ગામના સ્થાનિકો દ્વારા, ગટર સાફ કરવાની કામગીરી પણ કરવામાં આવી હોવા છતાં. ગટર ના પાણી, ચોકઅપ હોવાથી, રોડ ઉપર, વહી રહ્યાં છે. નજીક માં, પ્રાથમિક શાળા અને, આંગણવાડી પણ, આવેલ છે. જ્યાં, ભણવા આવતા બાળકો ને પણ, ના છૂટકે, ગંદકી ભર્યા પાણી માંથી, પસાર થવું પડે છે. રોડ ઉપર ગટરના દૂષિત પાણી ની ગંધ ને લઈ, સ્કૂલ ના વિધાર્થીઓ અને, ટીચરો પણ, હેરાન થઈ રહ્યાં છે. ગ્રામજનો રોગ નો ભોગ બને તે પહેલાં, ઉભરાતી ગટરો ની સમસ્યાનો, તંત્ર યોગ્ય ઉકેલ કરે, એવી લોક માંગ, ઉઠવા પામી છે.