કરજણ નગર, નવા બજાર વિસ્તારમાં આવેલ, કન્યા શાળા 2 ના કમ્પાઉન્ડ માં, 4 વર્ષ અગાઉ, સર્વ શિક્ષા અભિયાન અંતર્ગત, શિક્ષકો માટે, બનાવવામાં આવેલ ભવન, આજે વીજ કનેકશન ના વાંકે ધૂળ ખાઈ રહ્યું છે. 4 વર્ષ અગાઉ, લાખોના ખર્ચે બનેલ ઇમારત, એક વીજ કનેકશન ના વાંકે, આજે શોભાના ગાંઠિયા સમાન બની રહ્યું છે. અસામાજિક તત્વો નો અડ્ડો બની રહેલ ભવન માં, ઘૂળ,.જાળા ની સાથે, પાણીની ખાલી બોટલ,.દારૂની બોટલો, જોવા મળી રહી છે. અનેક વાર તંત્ર દ્વારા, વીજ કનેક્શન ની માંગ, વીજ કમ્પની ને કરવા છતાં, વીજ કમ્પની દ્વારા, શિક્ષક ભવનને વીજ કનેકશન આપવામાં આવ્યું નથી. ભવન માં બારીઓના કાચ તૂટેલી હાલતમાં છે, તો કોઈ રૂમોમાંથી અસામાજિક તત્વો, પંખાઓ પણ કાઢી લઈ ગયા છે. શિક્ષણ વિભાગ દ્વારા, વીજ કનેક્શન  માટે 4 માસ અગાઉ, રૂપિયા પણ ભરી દેવામાં આવ્યા હોવા છતાં, વીજ કમ્પનીએ કનેક્શન આપ્યું નથી. જેથી, આજે લાખો રૂપિયા જાણે, ધૂળ ખાઈ રહ્યાં હોય એમ દેખાઈ રહ્યું છે.