આમોદ નેશનલ હાઈવે 64 દાંડી માર્ગ ઉપર, ભ્રષ્ટાચારે માજા મૂકી ના સમાચાર સામે આવ્યા છે. ફક્ત 12 કલાકમાં જ, રોડની હાલત કફોડી બની હોવાનું જાણવા મળેલ છે.  ફરી એકવાર, આમોદ નેશનલ હાઇવે 64 ઉપર, એક જ દિવસમાં બનેલ રોડ તૂટી જતા, રાહત દારીઓ અને, વાહન ચાલકોમાં ખૂબ જ રોષ જોવા મળેલ છે. તેઓ આમાં મોટો ભ્રષ્ટાચાર થયાના આક્ષેપો પણ કરે છે. કરોડો રૂપિયાના ખર્ચે બનેલ રોડ, એક જ દિવસમાં ભસ્મીભૂત થવા પામેલ છે. કોન્ટ્રાક્ટર, એન્જિનિયર અને અધિકારીઓની, મિલી ભગતથી, વારંવાર, રોડ ફક્ત ગણતરીના દિવસોમાં તૂટી જતા, આમોદ તાલુકા કોંગ્રેસ પ્રમુખ, જંબુસર વિધાનસભા યુથ કોંગ્રેસ પ્રમુખ દ્વારા, કોન્ટ્રાક્ટર અને, અધિકારીઓ ઉપર આંકરા પ્રહાર કરવામાં આવ્યા. આમોદ જંબુસર વિધાનસભા કોંગ્રેસના પ્રમુખ, કેતન મકવાણાએ જણાવ્યું હતું કે, નેશનલ હાઇવે 64, દાંડી માર્ગ ઉપર, જે પણ કોન્ટ્રાક્ટર, અધિકારીઓએ આમોદ અને સમની કામગીરી કરી છે, તેની ઉપર પગલા લેવામાં નહીં આવે તો, કોંગ્રેસ તરફથી, રોડ રસ્તા રોકો આંદોલન કરવામાં આવશે અને, તેની સંપૂર્ણ જવાબદારી, પ્રશાસન તંત્રની રહેશે.