જંબુસર વિધાનસભા વિસ્તાર ની બન્ને પેટા સીટ ઉપર, ભાજપનો ભગવો લેહરાયો. આમોદ તાલુકાના ભાજપ પ્રમુખે, મુસ્લિમ સમાજનું આભાર વ્યક્ત કર્યો.
તાલુકાના ભાજપ પ્રમુખ દીપક ચૌહાણે,  ભાજપનો વિજય થતાજ મુસ્લિમ સમાજના  લોકોને, મીઠાઈ ખવડાવી ફુલ હાર પહેરાવીને ઉત્સાહભેર આભાર વ્યક્ત કરી, અભિવાદન પાઠવ્યા હતા. 6400 મતે, મેલાભાઈ ભીમાભાઈ વસાવા ની જીત ની ખુશીમાં, તાલુકા ભાજપ પ્રમુખ, લઘુમતી સમાજના કાર્યકરોનો, આભાર વ્યક્ત કર્યો હતો. અત્રે ઉલ્લેખનીય છે કે, વર્ષોથી આછોદ જિલ્લા પંચાયત સીટ, કોંગ્રેસનું ગઢ કહેવાય છે. જેમાં, બે વર્ષ પહેલા ભાજપના ઉમેદવારનું મૃત્યુ નીપજતા, સ્થાનિક સ્વરાજ્યની ચૂંટણી માં પણ, ભાજપનો ભગવો લહેરાયો હતો. જ્યાં કહી શકાય કે, આ સીટ ઉપર, લઘુમતીઓનો દબદબો વધારે રહે છે. જ્યાં ભાજપને જીતવું મુશ્કેલ પડતું હોય છે. પરંતુ, હાલની પરિસ્થિતિ જોતા, લઘુમતી સમાજે પણ, ખોબે ખોબા ભરી ને મત આપ્યા જેથી કરી, ભારતીય જનતા પાર્ટીનો, ઇતિહાસમાં પ્રથમવાર 6,000 થી પણ વધુ મતે વિજય થયો હતો. જ્યાં, આમોદ તાલુકાના, ભાજપના, પ્રમુખ દીપક ચૌહાણની અધ્યક્ષતામાં, પ્રથમવાર જિલ્લા પંચાયતની ચૂંટણી લડવામાં આવી હતી.  જેમાં ભારતીય જનતા પાર્ટીનો ભવ્ય વિજય થયો હતો