દાહોદ જિલ્લા ના,  ઝાલોદ તાલુકાના, ખરસોડ ગામના નિશાળ ફળિયામાં, ૩ કાચા મકાનમાં, આગ લાગતાં, ૩ મકાનોમાં નુકસાન થવા પામ્યું છે.  સાંજના આશરે છ વાગ્યા ની આસપાસ, આગની ઘટના બની હતી. ભાભોર ગનિયાભાઈ મગનભાઈ, ભાભોર વીરાભાઇ વાલાભાઈ, ભાભોર સવસિંગભાઇ વાલાભાઈ નાઓના કાચા મકાનોમાં આગ લાગી.  ઘર વખરીનું સમાન, આગમાં બળીને ખાખ થઇ ગયેલ છે. ઘરમાં મુકેલ ગાદલા, કપડાં, વાસણો, અનાજ સહિતની વસ્તુઓ બળીને ખાખ થઇ. ઘરની બહાર પશુઓના આહાર માટે રાખેલ, ઘાસ ગોતું પણ બળીને ખાખ થઇ ગયેલ છે.  આગ ઓલવવા જતા, ઘરના સભ્યોને સામાન્ય ઈજા પણ પહોંચી હતી. સદ નસીબે કોઈપણ જાનહાનિ થઈ નથી.  લીમડી પોલીસ પણ ઘટના સ્થળે પહોંચી ગઈ હતી. આજુબાજુમાં ઉપસ્થિત લોકો દોડી આવતા, પાણી નો મારો ચલાવ્યો હતો. જેથી, આગ કાબૂમાં આવી. અંતે, ફાયર વિભાગની ટીમ પણ, ઘટના સ્થળે પહોંચી, પરંતુ તે પહેલાં, જ આજુ બાજુ થી દોડી આવેલ લોકોએ, પાણી નો મારો ચલાવી, આગને કાબૂમાં લઈ લીધી હતી.