આમોદના સરભણ ગામની સીમમાં, ગેરકાયદેસર રીતે હઝાર્ડ વેસ્ટ ઉતારનાર, ‘સીધ્ધી સમ્રાટ ડાઈ કેમિકલ પ્રાઇવેટ લિમિટેડ’ સામે, આમોદ પોલીસે ગુનો દાખલ કર્યો છે. અંકલેશ્વરમાં આવેલી આ કંપની, ખોટા જીએસટી બિલોનો ઉપયોગ કરી, રાસાયણિક ઝેરી કચરો ગામની સીમમાં કાઢી રહી હતી.
ગયા વર્ષના જૂન મહિનામાં, ટેન્કર પકડાયું હતું, જેમાં, ભારે માત્રામાં એસિડ મિશ્રિત કેમિકલ મળી આવ્યું હતું. ત્યારબાદ, પોલ્યુશન કંટ્રોલ બોર્ડના રિપોર્ટ બાદ, કંપની સામે કડક પગલાં લેવામાં આવ્યા છે.  આમોદ પોલીસે, ચાર આરોપીઓની ધરપકડ કરી છે. જેમાં સામેલ છે.  - ધવલભાઈ કાંતિભાઈ કંટારીયા, નિલેશભાઈ જમનાદાસ ભૂત, જયંતીભાઈ જેસંગભાઈ ધામોર,  આનંદભાઈ નટવરભાઈ પરમાર, જે ટેન્કર ડ્રાઇવર હોવાનું સામે આવ્યું છે.  આ કેસમાં વધુ તપાસ ચાલી રહી છે અને, અન્ય સંડોવાયેલા લોકો સામે પણ, કાનૂની કાર્યવાહી થશે, તેવી માહિતી પોલિસ વિભાગ તરફથી મળી રહી છે.