જંબુસર પોલીસ સ્ટેશન વિસ્તારમાં આવેલા એક ગામમાં, માનવતા ને શરમાવે તેવી ઘટના સામે આવી છે. ચાર શખ્સોએ મળીને, એક યુવતી ઉપર દુષ્કર્મ આચર્યું હતું. દુષ્કર્મ બાદ, યુવતીને બેહોશ અવસ્થામાં, ક્રૂર રીતે માર મારવામાં આવ્યો અને, ત્યારબાદ આરોપીઓએ, યુવતીને તેની બહેનના ઘરના બહાર ફેંકી દીધી હતી. આ બનાવ બાદ, યુવતીને ગંભીર હાલતમાં, જંબુસર સબ ડિસ્ટ્રિક્ટ હોસ્પિટલ ખસેડવામાં આવી, જ્યાં તેને, તાત્કાલિક પ્રાથમિક સારવાર આપવામાં આવી. યુવતીની હાલત, વધુ બગડતા તેને વધુ સારવાર માટે, સુરતની સ્મીમેર હોસ્પિટલ ખસેડવામાં આવી છે. જંબુસર પોલીસે તરત જ કાર્યવાહી હાથ ધરી છે. મુખ્ય આરોપી, સફવાન સહિત ચાર આરોપીઓ સામે દુષ્કર્મ અને, મારામારીની કલમો હેઠળ ગુનો દાખલ કરવામાં આવ્યો છે. હાલ પોલીસ આરોપીઓની શોધખોળમાં લાગી ગઈ છે અને, ટૂંક સમયમાં તેમની ધરપકડ માટે, તજવીજ શરૂ કરી છે. આ ઘટનાએ, સમગ્ર વિસ્તારમાં ચકચાર મચાવી છે. પોલીસ પર ઘરેલાં સમુદાય,  સમાજ અને જનતામાં, આરોપીઓ સામે કડક કાર્યવાહી કરવાની માંગ ઊઠી રહી છે.