વડોદરામાં જરૂરિયાતમંદ વિદ્યાર્થીઓ માટે મોડેલિંગ અને સ્કિલ ડેવલપમેન્ટ વર્કશોપ યોજાયો

વડોદરાની વિદ્યામંદિર સ્કૂલ ખાતે 9 સપ્ટેમ્બરના રોજ જરૂરિયાતમંદ વિદ્યાર્થીઓ માટે વિશેષ મોડેલિંગ અને સ્કિલ ડેવલપમેન્ટ વર્કશોપ યોજાયો હતો.
Healthy Campus NGO, Vidya Mandir School અને NINE Lights Modelling Academyના સંયુક્ત આયોજનમાં યોજાયેલા આ વર્કશોપનો મુખ્ય ઉદ્દેશ વિદ્યાર્થીઓમાં આત્મવિશ્વાસ વધારવા, તેમની પ્રતિભાને વિકસાવવા અને મોડેલિંગ ક્ષેત્રમાં કારકિર્દી માટે જરૂરી તાલીમ આપવાનો હતો.
વર્કશોપમાં આશરે 150 વિદ્યાર્થીઓએ ભાગ લીધો હતો, જ્યારે 500 જેટલા વિદ્યાર્થીઓ પ્રેક્ષક તરીકે જોડાયા હતા.
Healthy Campus NGOના ફાઉન્ડર અને પ્રેસિડેન્ટ લીના ઠક્કર સામાજિક સેવા, શિક્ષણ, આરોગ્ય, મહિલા સશક્તિકરણ અને દિવ્યાંગ સમુદાય માટે વિવિધ કાર્યો કરી રહ્યા છે.
વિદ્યામંદિર સ્કૂલના ફાઉન્ડર અને ડિરેક્ટર રેણુ ધારાણીના માર્ગદર્શન હેઠળ આશરે 1300 જરૂરિયાતમંદ વિદ્યાર્થીઓ અભ્યાસ કરે છે.
આ ઉપરાંત NINE Lights Modelling Academyની ફાઉન્ડર શ્વેતા પ્રજાપતિ દ્વારા વિદ્યાર્થીઓને મોડેલિંગ ક્ષેત્ર અંગે માર્ગદર્શન અને તાલીમ આપવામાં આવી હતી.